"Бэрэн групп" ХХК-ийн захирал Б.Мөнхтөрийн хүү М.Мөнхтэнгэр мансуурсан үедээ зам тээврийн осол гаргажээ

Хар тамхинд мансуурсан жолооч хэд хэдэн тээврийн хэрэгсэл мөргөн, ноцтой осол гаргасан хэрэг гарчээ. Уг жолооч нь "Бэрэн групп" ХХК-ийн захирал Б.Мөнхтөрийн хүү М.Мөнхтэнгэр байсан бөгөөд тэрбээр "Би Мөнхтэнгэр байна" хэмээн хашхирч байсныг ойр хавьд нь явсан жолооч нар гэрчилжээ.

М.Мөнхтэнгэрт шинжилгээ хийхэд НҮБ-ын мансууруулах болон сэтгэцэд нөлөөт бодисын жагсаалтад багтсан хоёр төрлийн бодис илэрсэн гэнэ. Энэхүү хэргийг нь Хан-Уул дүүргийн Замын цагдаагийн хэлтэст шалгаж байгаа бөгөөд мансууруулах бодис хэрэглэсэн үйлдлийг нь ЦЕГ-ын Хар тамхитай тэмцэх газарт шилжүүлэх гэнэ.