Д.Амарбаясгалан: Засгийн газар АН-д сайдын суудлын санал тавиагүй, МАН үүрэг хариуцлагаа бүрэн үүрнэ

УИХ-ын намрын ээлжит чуулган өнөөдөр нээлтээ хийлээ. Чуулганаар улсын төсөв, сонгуулийн тогтолцоо Үндсэн хуулийн нэмэлт өөрчлөлт зэрэг асуудал яригдахаас гадна зарим сайдын албан тушаалын томилгоог ч хэлэлцэж магадгүйг албан бус эх сурвалжууд онцолсон. Тухайлбал, Барилга хот байгуулалт, Эрүүл мэндийн болон Шадар сайд зэрэг албан тушаалд УИХ дахь АН-ын гишүүд томилогдоно гэсэн  мэдээлэл гарсан. Тус мэдээллийн талаар ЗГХЭГ-ын дарга Д.Амарбаясгалангаас тодруулахад "Засгийн газар, Ерөнхий сайдын зүгээс албан ёсоор нэг ч санал АН-д тавиагүй. МАН 62 суудалтай Засгийн газрын эрхийг барьж буй улс төрийн хүчин. Энэ утгаараа үүрэг хариуцлагаа бүрэн үүрэх ёстой" гэлээ.