ШУУРХАЙ: Нэг гэрийн таван хүн гэртэйгээ шатаж, амиа алджээ

Нэг гэрийн таван хүн гэртэйгээ шатаж нас барсан хэрэг гарчээ. Тодруулбал, Нийслэлийн Сонгинохайрхан дүүргийн 33 дугаар хороонд иргэн Д-гийн 5 ханатай гэр шатаж байна гэсэн дуудлагыг нэгдүгээр сарын 21-ний өдрийн 05.54 цагт хүлээн авчээ. Ингээд тус дуудлагын дагуу дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 алба хаагч, 2 автомашинтай 17 км замыг туулан 06.12 цагт очиж, 30 минут ажиллаж унтраасан байна.

Уг гал түймэрт тус дүүргийн харьяат иргэн Э /57 настай, эрэгтэй/,  Д /34 настай, эрэгтэй/, О /31 настай, эмэгтэй/, С /10 настай, эрэгтэй/, Д /1 сартай, эрэгтэй/ галд өртөж нас барсан байсан тул цогцсуудыг тус дүүргийн Цагдаагийн 1 дүгээр хэлтсийн эргүүлийн офицерт шилжүүлэн өгчээ.