ХХААХҮ-ийн сайдаар Х.Болорчулууныг дэмжжээ

Монгол Улсын Ерөнхий сайд Л.Оюун-Эрдэнэ Засгийн газрын шинэ бүтэц, бүрэлдэхүүнээ МАН-ын Удирдах зөвлөлд танилцуулж дэмжлэг авчээ. Тэрбээр хуучин бүтэц дээрээ хоёр сайд шинээр нэмсэн байна. Шинээр нэмэгдэж буй 10 хүнийг сайдад нэр дэвшүүлж, үлдсэн сайд нараа хуучин бүрэлдэхүүнээр нь үлдээх хувилбарыг танилцуулж, дэмжигдсэн талаар МАН-ын бүлгийн дарга Д.Тогтохсүрэн мэдээлэл хийлээ.

Тухайлбал Хүнс хөдөө аж ахуй хөнгөн үйлдвэрийн сайд З.Мэндсайханыг явуулж, оронд нь Байгаль орчин, хүнс, хөдөө аж ахуйн байнгын хорооны дарга, УИХ-ын гишүүн Х.Болорчулууныг сайдаар томилохоор болжээ.