Соёлын сайдын сэнтийд Г.Мөнхцэцэг санаархаж эхэллээ

Үндсэн хуулийн цэцийн хуралдаанаас гаргасан шийдвэрээр Засгийн газрын 11 сайд ажлаа өгөхөөр болоод байна. Өөрөөр хэлбэл, дан дээлтэй сайд нарыг явуулж Давхар дээлтай сайд нараар салбарын яамдыг толгойлуулах эрх үүрэг нь Ерөнхий сайдад бий болчихоод байна. Дан дээлтэй сайд нарын оронд давхар дээлтэй буюу УИХ-ын гишүүд санаархаж, хоорондоо холын гүйлт Төрийн ордонд зарлачихаад байгаа сурагтай. Зарим гишүүд ч сайд болохоор улайрч эхэлсэн бололтой. Тухайлбал, Болор цомын эзэн яруу найрагч, УИХ-ын гишүүн Г.Мөнхцэцэг Соёлын сайд Ч.Номингийн оронд санаархаж, сэрүүнээрээ зүүдэлж эхэлжээ. Гэхдээ түүнд соёл урлагийн салбарыг атгуулах эсэхийг Ерөнхий сайд Л.Оюун-Эрдэнэ мэднэ. Бас МАН-ын фракцынхан ч мэдэж томилох байх.