Улсын арслан Э.Оюунболд энэ жилийн наадмыг өнжинө

Ардын хувьсгалын 100, 101 жилийн ойн их баяр наадмыг тэмдэглэн өнгөрүүлнэ. Түүхэн ойнуудыг хамтатгах бөгөөд үндэсний их баяр наадамд зодоглохоор аймаг аймгийн бөхчүүд бэлтгэлдээ гарсан байна.

Тухайлбал, Хан-Хэнтий аймгийн бөхчүүд бэлтгэлдээ гарсан байгаа бөгөөд Улсын арслан Э.Оюунболд энэ жил барилдахгүй гэжээ. Тодруулбал, Хэнтий аймгийн Өмнөдэлгэр сумын уугуул, Улсын арслан Э.Оюунболд энэ жил наадамд зодоглохгүй. Саяхан аавыгаа алдсан, биеийн байдал нь ч сайнгүй байгаа зэрэг шалтгаанаар ийнхүү энэ жилийн наадмыг өнжихөөр болжээ.