Засгийн газрын хуралдааны шийдвэрийг танилцуулж байна. Хурлаас хэд хэдэн шийдвэр гарчээ. Тухайлбал, Өмнөговь аймгийн Ганц мод Гашуунсухайт боомтод удирдлагагүй автомат туршилтын тээврийг эхлүүлэхээр болжээ. Уг тээврийн тухайд нэмэлт тээвэрлэлтийг эхлүүлснээр нүүрс тээвэрлэлт 10 сая тонноор нэмэгдэх боломжтой гэнэ. 

Ерөнхий сайд Л.Оюун-Эрдэнэ уг тээвэрлэлтийг долдугаар сарын 05-ны дотор эхлүүлэх үүрэг даалгаврыг өгчээ. Автомат удирдлагатай энэ тээвэр цаашдаа Шивээхүрэн, Ханги зэрэг боомтуудад хэрэгжих ажээ. Ийнхүү нүүрс тээвэрлэлтийг дэлхийн зах зээлд экспортлох ажлаа эрчимжүүлэхээр болжээ.