Өвөрхангай аймгийн Уянга сумаас алга болсон гурван настай хүүхдийг эсэн мэнд олжээ. Тодруулбал, тавдугаар сарын 15-ны өдрийн 17:30 цагийн орчим гурван настай эрэгтэй Ц нь гэрийнхээ гадна тоглож байгаад сураггүй болсон юм.

Улмаар тус сумын багийн Засаг даргаар ахлуулсан сумын мэргэжлийн ангийн алба хаагчид, орон нутгийн иргэд С /3 настай, эрэгтэй/-г эрэн хайх ажиллагааг зохион байгуулж, хүүг тус багийн Уст толгой гэдэг газар буюу гэрээс нь хойд зүгт 7 км-аас эсэн мэнд олжээ.