Улсын арслан Э.Оюунболд барилдах эрхтэй болжээ

Хэнтий аймгийн Өмнөдэлгэр сумын харьяат улсын арслан Э.Оюунболдыг сэргээш хэрэглэсэн гэдэг үндэслэлээр барилдах эрхийг найман жилээр хассан шийдвэрийг МҮБХ-ноос гаргаад удаж буй. Тэрбээр холбооны шийдвэрээ хүндэтгэж заалны барилдаанд барилдахгүй байгаа билээ. Тэгвэл хэвлэл мэдээллийн хэрэгслээр Э.Оюунболдын барилдах эрхийг сэргээсэн гэх мэдээлэл гарч эхэлжээ. Энэ талаар МҮБХ-ны эх сурвалж хэлэхдээ "Барилдах эрхийг нь сэргээсэн нь үнэн. Арслангийн гаргасан гомдлыг хэлэлцсэн. Улмаар барилдах эрхийг нь найман жилээр хассан байсныг нь хүчингүй болгосон. Ингэснээр түүний барилдах эрх нээлттэй болсон" гэжээ.