Засгийн газар:Укрианд 200 мянган ам.долларын хүмүүнлэгийн тусламж үзүүлнэ

Засгийн газрын ээлжит бус хуралдаан болж дууслаа. Хуралдаанаас гарсан шийдвэрийг Ерөнхий сайдын хэвлэлийн төлөөлөгч Ч.Болортуяа, болон Сангийн сайд Б.Жавхлан, Уул уурхай хүнд үйлдвэрийн сайд Г.Ёндон танилцууллаа. 

Хэвлэлийн төлөөлөгч "ОХУ Украины нөхцөл байдалтай холбогдуулан Монгол Улсын Засгийн газраас Украин Улсад хүмүүнлэгийн тусламж үзүүлэх шийдвэр гарлаа. Тодруулбал, Засгийн газрын нөөц хөрөнгөнөөс 200 мянган ам.долларыг Украин Улсад хүмүүнлэгийн тусламж болгон хандивлана. Ингэхдээ НҮБ-ын тусламжийн сангаар дамжуулж 150 ам.доллар, Улаан загалмайн нийгэмлэгээр 50 мянган ам.долларын тусламжийг ЗГ-ын нөөц хөрөнгөнөөс гаргана" гэв.