"Дэлхийн мисс 2021" тэмцээнд эх орноо төлөөлж оролцох, уран нугараач А.Бөртэ-Үжин

"Дэлхийн Мисс-2021" тэмцээнд өрсөлдөх үндэсний ялагчаар А.Бөртэ-Үжин оролцохоор сонгогджээ. Энэ жилийн дэлхий мисс тэмцээн нь АНУ-н Пуэрто Рико арлын нийслэл Сан Хуан-д José Miguel Agrelot Coliseum цэнгэлдэх хүрээлэнд 2021 оны арванхоёрдугаар сарын 16-ны өдөр зохион байгуулагдах бөгөөд нийт 123 улсын мисс өрсөлдөнө.

Монгол Улсаас Ану овогтой Бөртэ-Үжин тус тэмцээнд оролцохоор тодорсон. Тэрбээр СУИС-ийн “Бүжгийн урлагийн сургууль”-г Бүжгийн багш найруулагч мэргэжлээр өнгөрсөн жил төгссөн бөгөөд Англи, Япон, Герман, Хятад хэлний мэдлэгтэй. А.Бөртэ-Үжин нь мэргэжлийн уран нугараач бөгөөд олон улсад уран нугаралтын аялан тоглолтуудыг хийж байсан юм.

Мөн түүнчлэн 2017 онд Дэлхийн авьяаслаг миссийн тэмцээнд тэргүүн байр эзэлж байсан амжилттай ажээ.