УИХ-ын гишүүн Н.Ганибал, Ж.Батсуурь хоёрыг АН-аас хөөжээ

УИХ-ын гишүүн Н.Ганибал, Ж.Батсуурь хоёрыг Ардчилсан намаас дөрвөн жилийн хугацаатай хөөж байгаа талаар АН-ын бүлгийн дарга Д.Ганбат дөнгөж сая мэдээлэл хийлээ.

Тэрбээр "Н.Ганибал болон Ж.Батсуурь нар намын эсрэг удаа дараа ажиллаж, намын дүрэм журмыг зөрчсөн тул ийнхүү дөрвөн жилийн хугацаатайгаар гишүүнээс хасч байна" гэв.

Өнгөрсөн долоо хоногт АН-ын бүлгээс Ц.Тувааныг хөөсөн бол энэ удаад хоёр гишүүнийг хөөжээ. Ийнхүү АН-ын бүлэг 11 гишүүнээс найман гишүүнтэй болжээ.