| | USD/MNT 0₮
УИХ-ын Хэнтий аймгийн 18 дугаар тойрог, Сонгинохайрхан дүүргийн 28 дугаар тойргийн нөхөн сонгуулийн нэмэлт, санал хураалт өнгөрсөн бямба гарагт болж өнгөрлөө.
Энэ сарын 10-нд нөхөн сонгууль болсон ч ирцийн санал хүрээгүй гэдэг шалтгаанаар СЕХ-ноос дахин санал хураалт явуулахаар болсон юм. Тэгвэл уржигдар явагдсан сонгуулийн ирц мөн л 50 хувийн босгыг даваагүй бөгөөд хамгийн өндөр саналыг авсан Ц.Идэрбат, Э.Батшугар нарыг ялсанд тооцсон юм. Өөрөөр хэлбэл, УИХ-ын нөхөн сонгуульд оролцож, саналаа өгсөн нийт сонгогчдын олонх нь МАН-аас нэр дэвшсэн Э.Батшугар, Ц.Идэрбат нарт саналаа өгсөн бөгөөд тэд УИХ-ын гишүүнээр сонгогдож байна.
Тэгвэл нөхөн сонгуульд ялалт байгуулсан Ц.Идэрбат болон Э.Батшугар нар энэ долоо хоногт УИХ-ын чуулганы нэгдсэн хуралдаанд гишүүнийхээ тангарагыг өргөх ажээ. Ингэснээр хоёр тойргийг төлөөлөх УИХ-ын гишүүн болж, УИХ-ын дарга Г.Занданшатарын парламент 76 гишүүнтэйгээр үйл ажиллагаагаа явуулахаар болж байна.
УИХ-д шинээр сонгогдсон Ц.Идэрбат, Э.Батшугар хоёр энэ долоо хоногт тангарагаа өргөнө