Үндэсний хөгжлийн газар Эдийн засгийн хөгжлийн яам болж "томорно"

Ерөнхий сайд Л.Оюун-Эрдэнэ хоёр яам шинээр нэмнэ гэдгээ мэдэгдсэн байгаа билээ. Тэгвэл Х.Батжаргал даргатай Үндэсний хөгжлийн газрыг Эдийн засгийн хөгжлийн яам болгохоор болжээ.

Хэрвээ ийм яам бий болвол Үндэсний хөгжлийн газрын хэлтсийг тусад нь агентлаг болгох асуудал ч яригдаж эхэлсэн байгаа аж. Эдийн засгийн нөхцөл байдал амаргүй байхад ийнхүү данхайсан бүтэцтэй яам, агентлагийн тоог нэмэх шаардлага байгаа юмуу гэсэн шүүмжлэл байна. 

Дашрамд дуулгахад өнгөрсөн 2020 оны арванхоёрдугаар сард Засгийн газрын хуралдаанаар Х.Батжаргалыг ҮХГ-ын даргаар томилж, Б.Баярсайханыг чөлөөлсөн билээ.