Тавантолгой түлш компанийн ажилчдад үр дүнгийн урамшууллыг хоёр хувааж олгосноос үл ойлголцол үүссэн гэв.

Тавантолгой түлш компанийн ажилчид ажил хаялт зарласан. Уг асуудлыг тодруулахад Эрчим хүчний сайд Н.Тавинбэх ажил хаялт огт болоогүй. Ташаа мэдээлэл болсон. Ээлж солигдох үед тулгамдаж байгаа асуудлаа ажил олгогчдод гаргасан гэх тайлбарыг өглөө.

Тэрбээр, “Энэ асуудал үйлдвэрлэлийн хэвийн үйл ажиллагаанд нөлөөлөөгүй. Тавантолгой түлш компанийн ажилчдад цалингаас гадна үр дүнгийн урамшуулал олгодог. Есдүгээр сард санхүүгийн байдлаас шалтгаалан хоёр хувааж өгснөөс үл ойлголцол үүссэн. Өнөөдөр олголт бүрэн хийгдсэн. ҮЭХ-той уулзах үед тулгамдсан асуудлаа тавьсан. Уг асуудлыг шийдвэрлэхээр болсон" гэв.