Жагсаал хийхийн тулд гишүүдээс мөнгө гуйсан Б.Пүрэвдоржийн мессэж үнэн байжээ
АН-аас “Одоо боллоо” цуглааныг Сүхбаатарын талбайд зохион байгуулж байгаа бөгөөд энэхүү цуглааныг иргэд дэмжиж, мөн Сүхбаатарын талбайд суулт зарлаад буй Үнэн ба Зөв намын дарга А.Отгонбаатар дэмжиж оролцож буйгаа ч илэрхийлсэн юм.
Харин Хан-Уул дүүргийн Иргэдийн төлөөлөгчийн хурлын төлөөлөгч, Ард түмний штабын тэргүүн Б.Жагар цуглааны өмнө Сүхбаатарын талбайд ирж "УИХ-ын нөхөн сонгууль угтсан улс төрийн үйл ажиллагаа. АН нөхөн сонгуулийн өмнө, УИХ-ын чуулганы нээлтийн үед улс төржих бус бүх цаг үед сөрөг хүчний үүргээ гүйцэтгэдэг байх ёстой. Хэрвээ та нар мөнгө аваагүй л юм бол маргааш дахиад талбай дээр хүрээд ир, банкны зээлийн хүү, шатахууны үнийн өсөлтийн эсрэг хамтдаа тэмцэе" гэв.
Цуглааны өмнөхөн УИХ-ын гишүүн Б.Пүрэвдоржийн "Сайн байцгаана уу? Нөхөн сонгууль үүнтэй холбоотой хийгдэж байгаа жагсаалд зориулж хандив өгөхийг гишүүдээс хүсч байна. Бат-Эрдэнэ, Цогтгэрэл болон миний бие хандив өгсөн байна. Та бүхнийг анхаарлаа хандуулахыг хүсч байна" гэсэн чат нийгмийн сүлжээнд дэлгэгдсэн билээ.
Тэгвэл уг чат бодит үнэн болохыг өөрөө ч нотолж, УИХ дахь АН-ын бүлгийн дарга Д.Ганбат, УИХ-ын дэд дарга С.Одонтуяа нар цуглааны үеэр сэтгүүлчдийн асуултанд хариулахдаа хүлээн зөвшөөрчээ.
Жагсаал хийхийн тулд гишүүдээс хандив гуйсан Б.Пүрэвдоржийн мессэж үнэн байжээ